Með Leiðbeinandi aðgang geta kennarar, foreldrar eða leiðbeinendur takmarkað iOS stýrikerfið við aðeins eitt smáforrit í einu með því að gera heimatakkann óvirkann. Auk þess er hægt að gera ákveðin svæði á skjánum óvirk (t.d. hnappa sem fara tilbaka).
Hér á síðunni er að finna nánari upplýsingar um leiðbeinandi aðgang
Nú er komið nokkuð safn félagshæfnisagna hér á torgið. Ef einhver á félagshæfnisögur sem hann/hún vill deila á torgið má gjarnan vera í sambandi á netfangið: hanna.run.eiriksdottir@reykjavik.is
Skynörvun er einkum ætluð þeim sem eiga við skyntruflanir að stríða og einnig þá sem eru með skerta líkamsstarfsemi eða líkamsvitund.
Hér á torginu er umfjöllun um skynörvun í máli og myndum. Undir flipanum “Skynörvun” er svo hægt að velja um að skoða ólíka þætti skynörvunar; nudd, sjónörvun, vatnsrúm og athafnahring.
Hér á síðunni er umfjöllun um smáforritið Catalyst sem er frábært smáforrit ætlað til 
skráningar. Hægt er að nota smáforritið til að safna upplýsingum sem svo er hægt að skoða á nákvæman hátt á ákveðnu svæði á netinu sem tengt er smáforritinu. Það er sérlega hentugt fyrir þá sem vinna með atferlisþjálfun en einnig er hægt að safna upplýsingum sem gagnleg eru til að skoða námsframvindu, hegðun ofl.
Sjá umfjöllun hér
Hér á síðunni er að finna vinnuform að námskrám og markmiðum. Í Klettaskóla er verið að nota þau form sem hér koma fram. Kosturinn er að hægt er að aðlaga námskrárnar að þeim nemendahópi sem um ræðir hverju sinni. Best er að ná í formið, bæta við dálkum, eyða dálkum og breyta texta, allt eftir því hvað við á hverju sinni. Námskráin er einföld og aðgengileg og hefur gagnast vel.
Þess má geta að námskrárnar hafa verið í óaðgengilegar í explorer-vafra en í öðrum vöfrum virka þær fínt. Verið er að vinna í því að koma þessu í lag.
Hér er verið að vinna að uppbyggingu sérkennslutorgs. Torgið mun koma til með að miðla upplýsingum er varðar kennsluaðferðir, námsgögn og fleira sem tengist nemendum með sérþarfir.
